KHAWI NGE ZO THU LEH HLA

R Lalchanchin Mawia

KHAWI NGE ZO THU LEH HLA

Ami'n min zawt e maw, khawi hi nge zo thu leh hla,
Nei ve i maw hnam nun bil ziarang keng thu leh hla;
Awm ve na e sawi tûr ting chu hnam ve riang ruangah,

Kawhhmuh ngamin ka mawi chuang love hnualsuat thu hla.

Hluihlawn hun hluia in um-uai khawtlai chu mawlna fahrin.
Zochawi thu leh hla chawi nun leh sawi vul chu thing teng teng.
Zonuai hnuchawna sappui kalrem thiam chu thu leh hla hmangaitu.
Chawi sangin i bân zel mai ang aw chawimawina arkeziak.

Ka tling ne'maw zo thu hla zirbing duhte kawng kawhhmuh tûra'n.
Kawhhmuh mah i zo zia lang loin hliahkhuh si e sappui thu hlain
Chhânna hmài haihchham hrilhai tuilairapa inkhâp fân rengin.
A ngaihna hre lo ih ih ih tiin ka kut chi lo hawi veuh veuh.

Zo thu leh hla teh nan sappui tehfung lekin zofa lengte'n.
Tual chaiin kan chawisang zel si e zo thu leh hla khawvel
Sappui ziatial bân thiam chu thu leh hla thiama rahchhuakin.
A tlingzo ta lo lungrun taka lungril phochhuah thiamna thuruk.