KA TAP LO THEI THIN LO

Zirtei Mangpa

KA TAP LO THEI THIN LO

A her liam a, chhunlalpa,
A herpui lo, a liampui lo,
A hruai ve lo, a phur tel lo,

A kalsan a, a pho ro sa,
A hnutchhiah a, a em vuai sa,
A hnuchhawn a, a chhun hliam sa.

I lo kai a, zanlalnu,
I inbel a, mawina leh duhawmna,
I khim bawk a, hlutna leh zahawmna,
I kai tho a, uai leh vuai,
I chawk tho a, chau leh nguai,
I tuam dam a, hliam leh pun.

Mahse maw zanlalnu,
Ka thlir vel a, ka bel chiang a,
Ka puntir a, ka sem sawm a,
Ka belh khawm a, ka paih then a,
Ka keu let a, ka chhiar chhuak a,
Ka vawng bawk a,
Ka thiam thei lo,
Hringnun zirlai.

Tichuan maw lalnu,
Ka dawn khawl a,
Ka tap lo thei thin lo!

(Nikuma ka phuah ve, thla a eng em a, ka rawn dah ve leh)