Huthang valtha Dawithiampa leh Pekhmelthaa

Elti Muana
‎(Fiamthu mai mai)

Huthang valtha Dawithiampa leh Pekhmelthaa
Ka hnung leh hmaah an ding a,
Ka sir tuaka ding erawh
Tlang hril thang sakhmel tha Zira leh Chema.
Ngaihdan a dang pawm dan a hrang,
Tu tak tha ber maw?
Dawithiampa hmelah Peka thatna ang tawn tur a awm lo a,
Pekhmelthaa'n Dawithiampa a khum chuang si lo.
Chutin Zira leh Chema lah an duai bil lo.
Tu hmelah mah tu hmel ang mah a kim thei lo e.
An sakhmel thatna ang famkimna awm chhun chu,
Tha thang vul ve lo ka sakhmel hi!
Lamkawia ka sakhmel tawngtu lengite hi,
Thangvan hawia Siamtu fakin -
'BRAVO!' tia au hian an mawi e, ka sakhmel vang.

(Muk ren run hian ninawm chang a nei e.)