HRINHNIANG HRINGCHAN LAI
Tuanthu chang hnu nghilh har hmâna kan nun.
Ka phal ne'maw mi hrilh thawnthu chang mai tùra'n.
Hun herliampui hnu kohkir theih chang ni mah suh se.
Zaia châwiin hril mai nã'ng e a riang lunghnémah.
Lungmâwl panlai nun thawveng khua romeia thâm hnu.
Dãwnkirin hriatloh hriatchhuah hringnun pâr lãi ni.
Engdang dâwn rêllo tuaiduh lawmlai tualchai lai hun.
A lo ni si hringnun hun then pãr vul mawi ber lai hun.
Tuaitir duah râwllâi pâr tûr kuhmum mawm tantir.
Thinlai thawngtu an sawi di zûn châm leh nun helhkam.
Dang chuang ne'maw lungkham neilo lêngpui pâr tân.
Thar zual zêlin mawina khum e hringnun partin vul lai.
Nghahfâk lanu vál nunchan zir tuaitir hmakhaw thlir.
Mawitin bâwm hun duhawm nun vulmâwi ber lai hun.
Chuangkaiin rahbi kan chhep puitlinna kâilâwnah.
A dang zo ta kan nun lungkham leh inawmtleina zawngte.
Zaia châwiin hril mai nã'ng e a riang lunghnémah.
Lungmâwl panlai nun thawveng khua romeia thâm hnu.
Dãwnkirin hriatloh hriatchhuah hringnun pâr lãi ni.
Engdang dâwn rêllo tuaiduh lawmlai tualchai lai hun.
A lo ni si hringnun hun then pãr vul mawi ber lai hun.
Tuaitir duah râwllâi pâr tûr kuhmum mawm tantir.
Thinlai thawngtu an sawi di zûn châm leh nun helhkam.
Dang chuang ne'maw lungkham neilo lêngpui pâr tân.
Thar zual zêlin mawina khum e hringnun partin vul lai.
Nghahfâk lanu vál nunchan zir tuaitir hmakhaw thlir.
Mawitin bâwm hun duhawm nun vulmâwi ber lai hun.
Chuangkaiin rahbi kan chhep puitlinna kâilâwnah.
A dang zo ta kan nun lungkham leh inawmtleina zawngte.
No comments:
Post a Comment