Elti Muana
(Ka ninhlei status update hi huang ruak lutuk tur dalah ka'n seng lut mai mai ang e.)
HMANGAIHNA BAWIH
Hringnun ziakfung chawia i ziah,
Ka thinlung pheka i chhiah
Hmangaihna thawnthu kha ka chhiar leh a...
Chuai hnu kha lo tuai thar lehin,
Chul hnu kha a lo vul thar leh a,
Mahse khua romei iang an chang zo ta.
I tel lo chuan a rimtuina ka hre phak lo a,
I tel lo chuan a par zu lah ka dawn pha hek lo;
Chula nul tur i awm ta si lo a.
I tel lo chuan ka lawmna zungpui a ro a,
I tel lo chuan ka hlimna kuhmum a chuai zo ta;
Hringnun parmawi chhuah thei tura chakna reng ka neih tak loh hi!
Mi rawk ruaka mi ching let leh turin,
I ta hi i tana nung leh turin mi ko ni la,
Ihe loin ka pawm leh nang e;
I bawiha tan tluka thinlung zalenna dang ka tan a awm si lo!
No comments:
Post a Comment