Hlimlai puan ang chul hnu dawn kir changin,

Peka Chhakchhuak

Ka reh viau tih ka hai lo...lung erawh a leng lo chuang si lo..

Hlimlai puan ang chul hnu dawn kir changin,
Tah zai relin rianghlei ka thàm vel a;
Luaithli tui ang a hnàm fam ngai iangin,

Par lai vai ang thàm'an ka phal lo e.

Tlai tla lenkawl mawi leh tlang-zâ zawng ten,
Awmhar ka tah nau ang min awi lo va;
Zarva, awmhar awitu lelthang kiu paw'n,
Min trian chuang lo lunglen a châm reng mai.

Hun tam liamin vullai tliak tawh mah se,
Nghilha thamral tur'an a mawi si lo;
Vul nawn lo tur nau ang nuihlai nî kha,
Tui ang dang thei rualduh in awm lom'ni?

Ka tap ruai e kan rûn hliapzar hnuaiah,,
Tinkim ka dawn laikhum dawh sangah..