El rual loh val vanga ka hel ngam loh

Elti Muana
El rual loh val vanga ka hel ngam loh
Thadangi anka hneha mawi a awm nem le.
Tlangrel thang tur pawh dawn zo loin
Tihian an nem min hlan:

"I suk i thlek val zawngte entawn,
I chhingmitmei lengite thlir rawn;
I sakhmel mawi chhingmit na thawina,
Hman ka nuam e, i kimtlang hi,
Mawina mawizia hrilh fiah na'n.
Nang vang hian hranghlui Lianchia'n,
Thang leh thar zingah a hum a luah zo ta lo.
'Duhaisam' tih thu tisaa a channa i ni.
Zalpuan chawia in run lawi hi,
Lanu leng zawngte duhaisam.
Theih chang se nang nen,
Hringnun lamtluang chhui dunin,
I tan hrai duh leng chawi..."

Chhiar thlang bawhar suihlung i mawl mang e,
Lo pau lo la runhmun kan leng hman tur a!