'DI' MI TI
Ka sakhming koh nan D mi ti,
Naute, ti'n ka chhawn, 'eih' a ti;
Tangah ka pawm, duhten ka fawp,
Duhthawh eltiangin mi thlawp.
Chhungril so san luatah ka dap,
'Ti lo hram rawh' tiin a tap;
'Awle' tiin ka sawn ka kut,
Hlimte'n hma hun tur kan chhut.
Rangka iang a bahsam rawng mawi,
Parmawi vullai sakhmel a chawi;
Ka nul ning lo a sakruang,
La zawng zingah kei ka chhuang.
Kan tiam tiamthu kumtluang a tan,
Dam chhung run hmun kan len dun nan;
Pawitin zinga pawi hluan engah,
Tiamthu i chan tawnmangah!
By: Zira Chhakchhuak Hualngo
No comments:
Post a Comment