DERNA BIAHTHU

R Lalchanchin Mawia

DERNA BIAHTHU

Lungchimte'n hlân e biahthu di ânnêm vâla'n,
Thinlai rûnchhung hawngin lo lâwm e leng tuaitiri'n.

Chutin a kim ta ânnêm val duhaisâm tinkim,
Engdang dâwn lo lengi lung lawm nui ver ver.

Tudang an ngai ne'maw hmangaihna parzu dâwn dunin,
Amte'n hlim lai chêna her siau siauin tlaini an lêng.

An chhui phâk ne'maw hlim laini par ang a chul tûr,
An dâwn phâk ne'maw hmatiang nun khuareiah,

Hawihtin hâwma lengi vehthlêmin ânnêm vala'n
Runhmun rêmpui tiamin a sâwm e laikhum zâlpuiah.

Ânka nêm dang zo lo a ãwn ruai ruai tleitir lungmawl,
An zâl dun e laikhum tlângrêl thang dâwn zo lovin.

Rah tha a chhuah ne'maw ânnêm val lungkimnain,
khuarel kalsiam a her sual nge mahni tuh rah seng.

Kumtluang then loh biahthu dawtthu mai changin,
Thlemsam runlum pui zuam lovin tiamthu sût e vâla'n.

Awmzia a awm tawh silo lungchhirin bán chen mahse,
Tawnmang mâwl mai a chang zo ta tleitir lêngi duhaisamin,

Nulate u, a hun hmaa hmangaihna chawktho lo tûrin, in hmangaihna thinlung thianghlim leh dauhawm tak kha fimkhurpui hram teh u'n. Chutichuan, inchhirna khurpuiah intlapil ngai dawn lo zu nia.