CHHAWRTHLAPUI

CHHAWRTHLAPUI   By Tluanga Chawngthu

Chhaktiang kawla’n Chhawrthla’ a kai leh e,
Kan vangkhawpui chamduai a chhun paw mawi;
Chhingmit len khua chuanin lung a leng e,
Siang kan lawina run in sumtual a mawi.

Chhuihthang val rual thaleng runsang lawiin,
Chhawthla’ eng par lawmin thuthmun an rem;
Duhaisam khawchang nena zai vawrin,
Suihlung ruala duh annem hlan a rem.

Chhingmitthla’ a cham nunhlui dawnkir hian,
Kan kiu vawng vawng zantiang Chhawrthla’ engah;
Thangvana kal lai rem Si-ar iang hian,
Nunhlui herchhuak thei se Chhawrthla’ engah.

Chhawrthla’ hi Siamtu kutchhuak ropuina,
Khawvel nung’ tin zawng tana malsawmna.
…………