VASS-A SUNNA

VASS-A SUNNA By Lch Rokhum

Khui...! A hrang ber e, a mi tawna'n,

Laichhung huallai nunpar chawi lai;
Vanvawm vangkhua chhai rel turin,
Itsik vang maw, vanduai chuanga'n;
Zoram, kan ram a lo than le.

Awmlai thihna tuar har hrilfak kan chhal,
Chhungkhur muanna nghahchhan chan chu;
Dawn hian thinlai a na tawp e,
Lairil bera'n a cham reng mai.

Lenrual duh ten an ngai thiam lo,
Zawtin hrilin zaleng zawng hi;
Leitlang chawi khua, Sertlang kawna'n,
Nunmawi tuah lai, par lai chuai hnu;
Nang hian thinlai i thawng ber e.

Vass... Nang nghilhni a awm dawn lo,
Hei hian thinlai luah mawlh rawh se.