Rauhsan Rûn

Rauhsan Rûn By Mafaa Hauhnar

Ka rawn fang leh 
hmana suihlung kan rualna
ram loh lêntu ngui riai.

Chhingkhual âr ang ka lo vai e !
Ngaih a nâ i chawnbân mawi
dawi ang mi dawmtu kha.
Khuafûr hnâwmtui dâwn tawi, nang vang,
ka dî sûl-i-hnu piallei a thâm zo ta !
Hmana ka lungdamna dawi i ânka nêm
tunah thei ang lo reh e;
Chhimthlipui chimawm nang vang!
Chung si-ârin muangte'n vanzâwl a thual,
Hmun khawhar nghâk thingfâr zarah
sirva lengin hlim zai vawr lo.
Tu'n lei ang min theihpui lo ve.
Sisîp hram maiin maw biaklai min chhawn le !
Chung chhawrthlapui han thlir mah i,
beiseina êng a kai chuang lo
kei leh ka zai tivul turin.
Lungngaih bilhpuan khumin
sirva te'n zahthla an khup a
Tuktinpâr chenin a uai zo ta
a riang kei ka chan min dâwnpuiin.
Âr ang ka vaihna hnuchhawn ram hi
ruakin lo ram tawh mah se,
kei lungmawl ka tan chuan
Belhlai rûn nuam lo ni e.

Note:
He hla hi Chawlhna Tuikam-ah pawha ka tihchhuah tawh ka english poem pakhat “Our Last Rendezvous” tih kha a Mizo version-a ka dah a ni.