NANGIN ENGE MIN HRILH VE DAWN LE?!

TC Lalrem Siama

NANGIN ENGE MIN HRILH VE DAWN LE?!

Zân hian a thim reng dâwn lo a ni tih hrilh che sela,
Chhun hian a eng reng thei dâwn lo tih hrilh bawk che sela,
Ni hian thlangah a liamsan leh mai dâwn che tih hrilh che sela,

Chhawrthlapui khian zantin a ên theih lohzia hrilh bawk che sela,
Khuangruah sûr paw’n a bânsan leh mai tur thu hrilh che sela,
I thahrui ngei khân a chauhsan ṭhin dân che hrilh bawk che sela;

Kei erawh chuan hei hi ka hrilh ang che -
"Ka theihnghilh ve lo ang che tih leh,
Ka phatsan lo ang che,"

tih tê hi!
NANGIN ENGE MIN HRILH VE DAWN LE?!