NANG VANG HIAN MAW?

Kima Kka

NANG VANG HIAN MAW?
Zingkar lunglen biahthu hril

Nang vang hian maw?
Hringnun hi a lo mawi thar a, 

Chuai mai tur a lo vul thar leh thin. 

Nang vang hian maw?
Nun hian awmzia a nei thar a,
Kan hma hun tur ka ngaihtuah fo thin.

Nang vang hian maw?
Ka buaina te kalsan zel a,
Tawn chak che-in i lam ka pan thin.

Nang vang hian maw?
Engdang ka thlakhlelh loh tak a;
Thil dang zawng pawh ka hnawl ngam tak thin.

Nang vang hian maw?
Hlima nuih zel ka duh lai a,
Eng vang nge ka hlim tak theih loh thin.

Nang vang hian maw?
A ruk te a ka lo tawrh a,
Mite min hriatpui ka lo hlauh thin.

Nang vang hian maw?
Tap nih ka duh ngai loh lai a,
A ruka ka mittui a luan thin.

Nang vang hian maw?
Hringnun vul tawh hnu a chuai a,
Nguaina Thlarauvin min chenchilh thin.

Nang vang hian maw?
Hringnun kawng thar zawh ka duh a,
Eng’ah nge i lo lan leh fo thin.

Nang vang hian maw?
Tahzai rel ban ka duh tawh a,
Kawng thar zawh ka thlang ta mai asin!