Min fan ngei e i zunlengin.

Joseph Malsawmtluanga Renthlei

Min fan ngei e i zunlengin.
Ruam tin kawi tin hrutin kawmkar thlengin,
Ka zawng thin che Chhailai thadang.

Tlangrel leh sawi reng ka dawn zo lo.

Chun leh zua leh lenrual zawng paw'n,
Min hnem zo lo nang ngaih lunglen.

Thangril zan mu ka chhing thei lo,
I tello chuan sakhmel sensiar.
A na ngei e i zunleng ngaih.

Ka dawn kir thin hlimlaini te,
Tu dang ngai lova lenlaini te.
Thaleng dang reng ngai bil lova,
Laitual lenlaini te.

I kiangah chuan kawr thim leh ruam pawh,
Lamtual nuam ber a chang thin.
I kiangah chuan natna te pawh,
Tawrhthiam a awl thin e.
Cho loh val reng neilo in,
Theihloh sawitur avang a.
Ropuina lallukhum chu ka khum thin.

I lo ni e val tin sep rawn,
Chhungtin sel rawn,
Sakhmel thahluan Biaksailovi..