AW... KHAWNGE I AWM TAK?

Gemini Lr Fanai

AW... KHAWNGE I AWM TAK?

Ka miau vur ang var thianghlim,
Miau zinga ka tana sakhmelmawi ber;
Ka nun khawhar min hnemtu,

Aw... khawnge i awm tak?

Ka lung min hnem thin asin,
Ka kianga sirtiang i lo sawn ve khan;
I tello run khua a har;
Aw... khawnge i awm tak?

I mit mengmawi tak mai a,
Ngaina tih hriata min thlir thin lai khan;
Lairilah ka lawm thin a,
Aw... khawnge i awm tak?

Tlai khua a lo hnim riai a,
Min lo hmuahna suanglungpui rial ang dai;
Ka ngai vawng vawng che asin!
Aw... Khawnge i awm tak?

Miau, lam ang lo let ta che,
Nau ang duattu che i hai ta em ni?
Lo kir leh rawh, ka kiangah,
Duat, lo kir leh hram rawh.