Zamual an liam ta,

C Van Hmingtea

Zamual an liam ta,
Thang lo tharte hriat loh tura nunhlui ngaihawm te,
Lungduh lenrual, thalfam changa piallei daia zal te,
Chhun ni leh zantiang hun hlimawm mual liam ta te,
Thawhrimna ni leh awllen hahdam lai ni te,

Thinlai vaia tahzai rela kan kiu vawng vawng ni te,
Senlai, Panlai, vanglai, hlim tea nuih lai ni zawng te,
Chelh din rual an ni lo an phurhlan siam chu,
Virthlileng iangin an her liam chatuan ruam a,
Chatuan, chatuana vurpil hmabakin,
Leiruangtuam leh thlan anchhedawng aia thukin,
Fam khua lawi tawh ianga boral turin,
A pil bo dawn ta.
Tawng leh i maw, chatuan khua var hunah. 01.01.2012