REM MAI TEH LA

Zopathlawi Sonnet : Tc Lalremsiama
REM MAI TEH LA

I. Sakhmel intawng loin biahthu fiam kan hlan,
Sawi lai thadang ngaihlungdum Zozam par;
Sensiar ka tawng Fb lamkawiah hian,
Ngaih ruk dawn tiseiin awmkhua a har.
Nui hiauin ngaih lung rual thei i maw aw?
Mahse ka tawna tui ang nem turin,
Lung ka run zo hian ka ring si lo maw;
Chutin thinlai Zochhum a zing riai thin.

Awle, relthang chu dawn loin ka phur ta’nge,
‘Ti hian zaituahrem hian ka luang liam mai na’nge!

II. Ka dawnlungruk hril thiam chang phei ila’ng,
Khuai ang a thlum awm e biahthu chauh pawh;
Mahse hlan mah ‘i a rem chuang si lo’ng,
Ka vaihna khua zau thlawn tur tal dawn rawh.
Cho rual loh duhsam lungrun pawh an tam,
Ram loh zam hrui paw’n maw tangah min phuar;
Lairila’n TUAR HAR BIK zun leng a cham,
Van ruaiin ngaihrun, suihlunglen ka tuar.

Awle, kei zawng maw chhawl ang hian ka uai hning hniang,
REM MAI TEH LA zik thing hnah, aw..., nem dun ang hmiang!

Rhyme Scheme "ababcdcdee"