PHUNLUNG

Elti Muana

‎(Ka'n luangliam leh lawk, a hunlai boruakin min chiah deuh a ni mahna, min lo hre thiam mai teh un)
PHUNLUNG

Hringmi'n hringnun ziakfung kan chawi
Mihrang lengin thang leh tharte thinlung phekah
Sakhming chhiahin khuavel an than
Laisuih thaikawi tuah rem zawng hi ral mah se
Ral hian ka ring lo e, thinlung pheka chuang hnu mihrang sakhming.

Hei hi maw phunlung, nghilh loh ziak tial thu chuanna
Ka zua tana tuah rem chu
Khuareiah a sakruang chawihtu bawlhlo laitha kiamin
A sakhmel mawi a la chuai ngei ang, sal loin
Kum sul tam veiin nghilh lohna phunlung hi keh se
Kei ka thinlung phek a keh hma zawng
A reh lo ang a sakhming ziak 'VANLALHNUNA'.