PAR THAR VUL TUR
Lang lo senmeia kangralin
Nghilh loh tur vap langsar a hnutchhiah.
Tawpna kawngkharah bultanna,
Lamlian tawpa hringnun mel lung thar.
Mittui pahniha tuam, hun saltang,
Lungaihna piaha hlimna beiseitu,
Mumang ringa, hrilhfiahna zawngtu.
Tuipui fawnin chhun zana a len kual.
Chhaklam leh thlanglam daidanna
banga saltanna hun hmang liamin,
Par hlui til thirin par thar tur an nghak!
Vaivuta thuziah reilotea ral leh thin,
Vaivut vekin vaivutin a rawn ziak.
Tuilian len bo hnu chhui kir a tawp lo.
Mang mawi ber kawng chu zawhin,
Par mawi lo chhuak ti vul zelin!
Lungaihna piaha hlimna beiseitu,
Mumang ringa, hrilhfiahna zawngtu.
Tuipui fawnin chhun zana a len kual.
Chhaklam leh thlanglam daidanna
banga saltanna hun hmang liamin,
Par hlui til thirin par thar tur an nghak!
Vaivuta thuziah reilotea ral leh thin,
Vaivut vekin vaivutin a rawn ziak.
Tuilian len bo hnu chhui kir a tawp lo.
Mang mawi ber kawng chu zawhin,
Par mawi lo chhuak ti vul zelin!
No comments:
Post a Comment