Nang ngaih vang maw chhingkhual chang hnu,

Elti Muana

‎(Hmun awl hnawh khah na'n ka u hla phuah sil nil nial, a phuah hun hriat chian tawh loh (2004-05?) hi ka'n dah mai mai ang e. A thupui pawh a dah chuang lo a, lehkha pheka ka hai chhuah a ni. A thluk nei (song) tura a duan niin a lang e. Amah phei chuan a hre zui tawh mang pawhin ka ring lo e)

1. Nang ngaih vang maw chhingkhual chang hnu,
Lam ang ka lo let leh ta e;
Sakhmel tawn hun tur dawn chung zelin,

Zan mu chhin zai ka rel ta a.

2. Mahse zingtian khua a lo varin,
A tham ral ta duhaisam zawng;
Thinlai min thawng e i zua chanin
Tapin chhun ni ka hmang liam ta.

3. Luah loh zua-pa chang tawh mah la,
Thinlaia'n maw i hlui si lo;
Fam lo hian dairial ka chang awm e,
A na em e kei ka tuara'n.