LENLAI VUI HNU

LENLAI VUI HNU

Chun leh zua leh khua hmun lo kan intawng,
Lenrual lungdum changin kawp zai kan rel;
Kan leng za dial dial thin e lungrual zawng,

Hal lo ten vangkhaw laitual nuam kan bel.

Lungkham awm lo ten kawitin kan hrut vel,
Duhleng lungrun siangah pawh lawi zelin;
Vul lai kan chen kan dawn lo leng dang sel,
An hril zarva suihlungrual kan iang thin.

Kha zawng rualduh hlim ni kawlah liamin,
Pamhmai kohkir theih lah chang si lo maw;
Ka dawn chang ni hian, aw, ngaih a zual thin,
Ngai chungin han dawn ve che u maw aw?

LENLAI VUI HNU intawng leh mah ila’ng,
Laitual mawia chai a rem tawh si lo’ng.

6.1.2012; 2232hr By Tc Lalremsiama