HNAM BORAL KALSIAM

R Lalchanchin Mawia

HNAM BORAL KALSIAM

Aw ka chhuah zo hnam tana thahnem ngâi awrâwl.
Ka ziak ka sawi sêlna karah mizo mizona thinlung nên.

Ka sêng ngaihtuahna kawngtha ber kawhhmuh tumin.
Sêltin thang ka phur hre lo leh mawl changkang lo nih hlawhin.

Zopa ngeng a chhun em ni hnam tâna ka thahnemngaihna au awin.
Min phiar e maw zonu rila rah pui leng zawngten râlpui iangin.

Rual pâwl pha lo hawi zim rilru zim leh changkan nun bosal.
Thliarkâra maltlat hmasâwnna thanmawhbâwk ka lo ni e.

Thlir ngam u maw anpai tumkawnga herliam tur zozia.
Ngaingam u maw zo hnam nun borala anpai ze chhawm.

Kei ka zuam love thlang sappui dungthula kallai siam.
Ka dawn ngam lo thamral mai tur zohnam zemawi dawntawia'n.

Hnamtin hnam nihna phurchhuaktu nunphung leh ziarâng.
A innghahna lungphum zebil hrang leh luahlai chênna ram.

Luahlai ram hrang awm nâ e sakhming chawi lai Zoram nuam.
Zebil hrang erawh awm si lo sappui nunze chawisanna hmun.

Ngaihven tur a awm ne maw zo hnam nunphung zirbingtu tân.
Eng hi nge ngaihven tlâk zohnam nunphung leh ziarang chu.

Chhingmit vaiin a hmu sual em ni alang lo zofa nunphungah.
Anpâi ziarang karah thamralin a hliahkhuh zo ta thlang sappui nunin.

Mahni hnam zia sit tafam chuan entawn zel ila thu leh hla thlengin.
A lo ni e entawn tlâk leh entawn ngai sappui thu leh hla.

Chutin thu leh hla tlinglo zo thu leh hla hnawla hluihawnin.
Kan la thang chhuak ngei ang hmuhsitawm sapsuakah.