HMANGAIHNAIN KA THINLUNG EN RAWH

HMANGAIHNAIN KA THINLUNG EN RAWH (1998)

Lungngaia lungngaihna khurah kun a,
Beidawnga beidawnna chirhah pil a,
Khawdur ten min chim a min tuam lai hian,

Beiseina par te chu an lo chul thin a;
‘Aw hlimna’, ka ti a ka au a,
‘Aw lawmna’, ka ti a ka au a,
‘Se min chhawntu reng awm lovin,
Hla takah an lo kiang zawk thin;
Manganga manganna khurah kun a,
Tap chunga vahvaihna tumkawng zawh a,
Lei ni leh hun te ka chhiar kimlai hian,
Thimna te chuan umin min nang ching thin;
‘Khawngaihna’, ka ti a ka lam a,
‘Hmangaihna’, ka ti a ka ko a,
Ka aw te chu an tham ralin,
Rimtawngin ka lo chau zo thin;
An hlimna ka tan tahna a chang a,
An lawmna te chu ka tan lungchhiatna !
Itsikna ten ka thinlung luahkhatin,
Thinlung-chhiatna chuan min lo tuam vel thin;
‘Aw Muanna’, ka ti a ka au a,
‘Aw Remna’, ka ti a ka ko a,
‘Se ka hnenah lo kal lovin,
Mualzapui an lo liam zawk thin;
Lungchhia a lungchhiatna khurah kun a,
Beiseina ten mual liam an rellai hian,
I hmangaihna hmawr chauh min deh tir la,
Ka thinlung a khat ang hlim leh lawmin !

BY LALZAWMSANGA KHIANGTE