AW THIAN!

AW THIAN!

By Samuel Lalrozâma Hmar 

Hlimlai ni pâr tlân  a,

Senlai nau iang kan nuih za lai;

Tudang ngai lo tea lên lai,

Thinlaiah a châm reng;

Nghilhni reng a awm thei dawn lo.

                        Aw! Ka thian, ka nghilh lo’ng che,

                        I sulhnu te ka dâwn in;          

                        Nghilh thei reng che hian,

                        Ka mawi lo asin, Aw Thian!

Thiam zir run belh vang maw?

Kan lo in then tak le, ka thian;

Hun leh ni te (a) lo (in)her liam thin,

Mahse ka nghilh lo’ng che,

Hringchan hun a kin thleng pawhin.

Hun leh ni her liam in,

Tuanna mual te lo dang mahse ;

Kum sâng tam pawh ral mahsela,

Nghilh i har dâwn mang e,

Thinlai rûkah i châm reng si.

[He hla hi college kan luh tan tirh laiin kan khuaa ka haw chu kan ina kan riak khawm kan hlim deuha, ka thianpa LALHRUAITLUANGA HMAR (Vala) nen zîng dâr 12:15 a.m.-ah kan phuah ta a ni, ka Homies ho (Millennium Batch), Pâwl sawm St.Pauls-a ka luh chhuahpui ho zawng zawng tan ka hlân a ni (idea by Joseph). Kum 2007 –ah hla inphuahsiaknaah kan submit ve a, lawmman pathumna a dawng ve. – Samuel Lalrozâma Hmar]