Friday, 13 October 2023

Lalrinpuia Fanai Puia
Chhawrpial Rûn
A awmna chu biru hle mah se,
Tlawhtu a nei bâng chuang lo va,
Thalah pawh a kang ngai lo va,
A hual velin chawrtin an duah hliah hliah reng a.
Chu hmun hlu timawi leh zual tur chuan,
Chuailo par pawh suanin a la awm ang a,
Thalah tak chuan a ropuina chu lo tlahniam ve thin bawk mah se,
Khua thal chhung chu a rei ngai chuang hleinem le.
Duhthusam zawng zawng te,
Tipuitling thei lovin,la pe thei thin lo fo pawh nise,
Amaha beiseina lipui thuk takah chuan,
Hmangaihnaa khat thinlung chu a pil vawng vawng tho thin.
Chumi hmun chu mawina tinrenga thuam,
Duhaisam zawng zawng a kimna hmun,
Thim leh êng pawh hmangaihnaa inpumkhata a chantir theihna hmun ngei chu,
A sakhmingah Chhawrpial Rûn an lo vuah e.

Saisen nau duat lo pianga chuan,

Chunnu hmel reng a tawng lo va,

Hringtu chunnu chhingmit pawh chuan,

A hrin hrai hmel mawi a tawng hek lo.

Nunrawng thihna kutthlak meuh chu,

Luaithli nula min ṭahtirtu,

Hnam leh chengrang meuh chawia,

Phuba laa thawh hial ka nuam e.

All reactions:

You, Sangtea Daifêm Val Renthlei and 35 others

Admin

BEIDAWNNA HNEHNA BEISEINA...

Chung chhawrthlapui mal kal ka hal,

Kei ang hringnun chhiahbawih leh sal;

Duhaisamah mai ka thám a,

Rau ; chauin a chuai, 'vuai zo ta!

Aw ka thla, zahthla zár ta che,

Thangvanah si-ar an eng e.

Hmána val tán zána ván mawi,

Chawngmawi lawina lamrawn ka hawi.