Mizo Poetry

Wednesday, 9 October 2013

ZAWHNA...?!

Zira Chhakchhuak Hualngo
ZAWHNA...?!

Engah tuahpui, vulna a tan,
Hling bawm siahthing kher i thlan le?
'Par lalnu rose' ka zawt a che,
A'rem em hliam lo a i par tlan?

Engah, eng, thimin zui zelin,
Hlimnaa tah a tul fo thin!?

Beiseina sei vei viau se la,
Tum sana sang ting chu tlakna!

Monday, 7 October 2013

Love Wanderer

Sena Renthlei ToonArmy
Love Wanderer
(No Poetic words)

Sweet gentle eyes, fractious smile
All that are yours;
Pleading love, begging tears
All that is mine.

You had deviate my heart, Ruby
And you did detonate it;
Lovely, you'd devastated me
and my love, you've devaluate it.

Had dreamt of a dream in the dream
Where I plant a kiss in your lips.
(Crazy thoughts!!)

For sweet, Crystal, my thoughts'd followed you
When did I become your suite, Cherry?
(Lock-up by your cage of beauty)
I wonder as I wandered.

Lady, if the sweetness unto you
By this cunning heart (although pleasing despite unruly) is just a rubbish,
Let me know...

I'm a wanderer of love...

THUHMÂ : Mobile Phone hmanga copy paste ti thin tân dak thlarhin a tih theih tih lantîr nân keima wall ami ka Mobile Phone hmangin ka hlahril hi ka rawn vawm-bei a ni e.

VÂNGPUI-I

I
Vângpui a lo thlen nî chuan tap lova’n mi ring lo'ng che,
Chunga tûrnipui êng ruai pawh a mâwi chuang a;
Chuti'n kan thlawh sâwmfâng cham duai a zau laiah,
Zatlâng rêl dâwn lo têa Siali nên tuan kan rêlna,
Mitthlâin ka thlîr, ka zîng hnîm riai e, Zofîr rûna'n mâw!

II
Lâwm lungrual zawng kan kim e,
Sâwmfâng hmun cham duaia’n tu dang ngai bil loin,
Lêngi leh Vâlaten sîr kan sâwn;
Dî chhaia rual el chu kan ni nêm le,
Sâwmfâng zawn thiam rual chu keimahni!

- Right Reserved ® Ngaihlungdum Shots & Poetry Institute

DAWT THU VANGIN

Sangtea Renthlei

DAWT THU VANGIN

#Ka hrilh lo che em ni chiangin;
Thinlung bum lo a hringnun chhiarin,
Hmang ta la e tu reng lung na awm lo tur;
Nang ngei pawh inchhir za'khua reng i hawi lo tur.

##Vawi tam ka hlan ka hrilh zawng che;
Sir lam i hnawl; pawm ngai loin,
Vawi tam ka hlan ka hrilh zawng che;
Lung lawng puanzar kul ban iangte!

#Ka hrilh lo che em ni chiangin;
Dawt thu reng hua-a thu do nan reng-
Hmang loin e; thinlung chhuak thu dik ngei chu;
Ka tan chang a ni ne'maw i tan zawk ni e.

#Mahse chu zawng thlah i rel lo!
Tiamthu sut zai rel ka mawi loh kha,
Tunah zawng rinna reng i tawna'n chhamin;
Hmathar chhui zai ka rel san mai na'ng che kiangin.

Nui mawi kan lenna tlang ngei hi

Mamy Acacia Pachuau

Nui mawi kan lenna tlang ngei hi
Tahna ruam min thlentu ani leh si
Biahder thiam engan nang kher ka lo tawn che
A na ngei e,aw tuar a har.

Engan biahthu der min lo hlan
Kei ka tuaran a na lua e
Hmangaih biahthu ka hlan che hi
Sut leh hian ka mawi tawh si lo.

Lung i her mai hi tuar a har
Val dang tawnah lung ka her thei silo
Tunah leng dang tang belin liam tawh mahla
Ka nghilh lo'ng che derthiam mi û

Runhmun lendun rem lo mahse
Pialral ah hlim ten leng dun leh ang aw
Ka tan chuan Chawngmawi 'D' ang ini asin
Ngaihlai bang lo 'D' lenmawi

Mangtha,mangtha, 'D' nuimawi
Nang chu hlim ten laikhumah zal ta la
Kei zawng maw hlimlai ni te dawn kirin
Nang nghilh zai ka rel mai nang che.

Mangtha le( chhun2 ah in mangtha mai ang aw.. )

VÂNGPUI -II

TC Lalremsiama

Date 3.10.2013-a ka tapchhak zawl mawitu Vangpui-II pawh hian kan Huang hi a luah loh chuan keimah zawk hi ka kim lo tlat!

VÂNGPUI -II

I
En teh, vângpui a her chung vân zâwl khua a thiang,
Thim êntu tûrnipui pawh khi a êng mawi chiang;
Hliap zâr iang vân râng chhûm pui zîng zawng pawh a kiang,
Zokhawthlîr mual nuama’n khua i chùan dûn ang hmiang.

II
Ngaiteh, vângpui khua hian sikpui hunbi a ur,
Lal pian hunbi hrilin êng aw mawi a chhuah thin;
Duh te’n kan thlîr ang chu Zo-pâr tin a vul tûr,
Hmangaih kal ta zawng te pawh ngaih nî bâng dûnin.

III
Mahse, hunbi her hian kei ka lung no min tho,
Ngaih ngaia vân vân ngaih loh ngai ni si lo;
Zofîr rûn nghâkin ‘ti hian a hnîm zawng ka do,
Nghilh loh bo hnu mahte’n mitthlâin ka dâwn fo.

Hei ang hringfâ tân hunbi a her nî chuanin,
Pialleia thâm ngaih thinlai puan ang a thar thin.